Monthly Archive for maí, 2009

Um helgina opnaði Ólöf Björk Bragadóttir sýningu á myndum sem hún málaði undir áhrifum af sonnettusveig eftir eiginmanninn, Sigurð Ingólfsson. Sonnettusveigurinn fjallar um ástaratlot manns og konu og er hin erótískasti. Siggi las upp úr sonnettunum á opnuninni og Dætur Satans spiluðu nokkur lög. Þeir sem mættu á opnun voru hressir og kátir og fíluðu prógramið. Í bókabúðinni var sett upp sýning á húsum eftir nemendur Seyðisfjarðarskóla og þar verður hægt að guða á gluggana fram til 7. júní. Sumarliðið streymir í bæinn og stuð stuðullinn hækkar dag frá degi. Við erum að klára að setja saman dagskrána fyrir ÁSeyði og  sjáum fram á að hafa meira en nóg að skemmta okkur yfir langt fram á haust. Dagskráin verður byrt hérna á síðunni í vikunni og verður svo gefin út á prenti í smart hönnun efti Svavar Pétur Eysteinsson um miðjan júní. Annars er enn þá hægt að komast að með uppákomur í Bistróinu/Vesturveggnum. Performansar og tónlist eru eftirsóttur aperativ þarna niðri og þeir sem vilja koma og gera eitthvað meiga hafa samband við okkur. Óla Maja er að skipuleggja flóamarkað og kompudag í bókabúðinni næstu helgi og við vonum að fólk mæti í flokkum með dót á kerrum til að skipta út innbúinu eða losa sig við umframbirgðir!

Skoða boðskort

Við getum vart hamið okkur af gleði yfir nýju heimasíðunni. Vonandi er hún góð og skilvirk, ef þið hafið einhverjar gagnlegar ábendingar þá endilega sendið þær á skaftfell@skaftfell.is.

Og takið eftir því að þó að Hóll sé nú þegar fullbókaður í sumar þá er maí laus sem og allt haustið fram að jólum!

Þórunn & Óla Maja