1.10.11 – 16.10.11
Karin Reichmuth, 1979, Switzerland
Monthly Archive for september, 2011
29.09.11 – 16.10.11
Listamennirnir Barbara Amalie Skovmand Thomsen og Ulla Eriksen hafa aðstoðað hvora aðra í mörg ár en verkin sem þær sýna í Bókabúðinni – verkefnarými er þeirra fyrsta verk sem þær vinna sameiginlega. Meðal annara verka sýna þær nýtt zen myndbandsverk, Bylgja, sem var tekið upp í jarðböðunum við Mývatn og teikningar af steinum ásamt ljósmyndum sem unnar voru með nemendum 9. bekkjar Seyðisfjarðarskóla en þær Barbara og Ulla tóku þátt í myndmenntakennslu nemendanna.
Sýningin byggir á hugmyndinni um tvíeikið eða dúettinn. Grunnurinn að baki öllum verkunum er því senur, stykki eða gjörningar fyrir tvo.
Barbara Amalie Skovmand Thomsen og Ulla Eriksen búa báðar og starfa í Amsterdam. Leiðir þeirra lágu saman þegar þær voru báðar við nám í Gerrit Rietveld Listaakademíunni í Amsterdam. Í verkum sínum fást þær báðar við samheingi hlutanna – manneskjuna sem hluta af heiminum, í samhengi og sambandi við náttúruna. Hvernig mennirnir hafa áhrif hver á annan í gegnum samskipti og samsömun hver með öðrum.
Barbara Amalie Skovmand Thomsen er gestalistamaður í Skaftfelli í ágúst og september 2011.
12.09.11 – 28.09.11
Hugmyndin að sýningunni er sú að Kristín Elva vinnur verk á stuttum tíma í vinnustofudvöl á Norðurgötu og hengir á Vesturvegginn, Marta María vinnur sín verk eins og bætir á vegginn. Síðan lýkur Melkorka ferlinu á sama hátt.
Verkin mega vera hvernig sem er og allar hengja verk sín upp eins og þær kjósa sjálfar – þær sem á eftir koma mega færa og breyta að vild en ekki má fjarlægja neitt af veggnum. Sýningin er breytileg og lifandi og niðurstaðan ófyrirsjáanleg.
