Skaftfell hefur tekið á móti þremur nýjum gestalistamönnum og munu þeir halda stutta kynningu næstkomandi þriðjudag kl. 21:00 í Bókabúðinni-verkefnarými.

Ásdís Sif Gunnarsdóttir sem dvelur í einn mánuð.
Manfred Hubmann frá Austurríki og dvelur hann í tvo mánuði.
Yann Leguay frá Brussel og dvelur hann í einn mánuð.

Spjallið fer fram á ensku og verða léttar veitingar í boði.

Dagskrá

Miðvikudaginn 13. mars verður haldið málþing um uppbyggingu gestaíbúða fyrir lista- og fræðimenn á Austurlandi.

Fyrirlesarar hafa þekkingu á slíkri uppbyggingu til margra ára. Margir velta fyrir sér þeim möguleika að búa til slíka þjónustu í sínu sveitarfélagi/svæði. Mikilvægt er að þekkja hindranir og tækifæri áður en lagt er af stað.

Vona að sem flestir gefi sé tíma til að mæta og taka þátt í umræðunni.

Staðsetning er Vonarland, húsnæði Austurbrúar á Egilsstöðum.

Kynningarmiðstöð íslenskrar myndlistar bauð Skaftfelli að taka þátt í nýjum mánaðarlegum dálki í bloggi þeirra, Relay – the word passed on.

Relay – the word passed on presents Skaftfell from Icelandic Art Center on Vimeo.

Nánar um Frásagnasafnið

Frá því í byrjun árs 2011 hefur Skaftfell staðið að verkefninu Frásagnasafnið.Tilgangurinn er að safna frásögnum allra íbúa Seyðisfjarðar á árunum 2011 til 2012 og varðveita einskonar svipmyndir sem saman lagðar gefa heildstæða mynd af samfélaginu. Meira

Söfnun á frásögnum í Frásagnasafnið mun formlega ljúka hinn 1. desember. Verkefnið hefur staðið yfir í tvö ár og hafa safnast um tvö hundruð frásagnir frá íbúum Seyðisfjarðar.

Af þessu tilefni verða afrit af Frásagnasafninu afhent til varðveislu Bókasafni Seyðisfjarðar, Héraðskjalasafni Austfirðinga og Tækniminjasafni Austurlands. Fulltrúar frá þessum stofnunum munu veita því viðtöku.

Einnig munu Árný Björg Bergsdóttir verkefnastjóri Frásagnasafnsins, Hrafnkell Lárusson forstöðumaður Héraðsskjalasafns Austfirðinga og Pétur Kristjánsson forstöðumaður Tækniminjasafnsins flytja erindi um verkefnið.

Léttar veitingar í boði.

Um Skaftfell og Frásagnasafnið / Skaftfell and The Narrative Collection from Skaftfell on Vimeo.

Nánar um verkefnið

Frá því í byrjun árs 2011 hefur Skaftfell staðið að verkefninu Frásagnasafnið. Tilgangurinn er að safna frásögnum allra íbúa Seyðisfjarðar á árunum 2011 til 2012 og varðveita einskonar svipmyndir sem saman lagðar gefa heildstæða mynd af samfélaginu.

Það er einstakt að geta kortlagt endurminningar heils samfélags. Slík yfirsýn veitir ekki einungis innsýn í samfélagið heldur er það einstæð samtímaheimild. Heimild um mannlega tilvist, heimild um gang tímans, samspil kynslóðanna og þann grunn er liggur á bak við samtímann.

Frásagnir hafa verið teknar upp á myndband og verið til sýnis í bækistöð verkefnisins, söfnunarmiðstöðinni, í aðalsýningarsal Skaftfells. Söfnunarmiðstöðin var formlega opnuð 17. júní 2011 og þar gátu gestir horft á frásagnir og kynnt sér verkefnið. Miðstöðin var opin í átta mánuði og bættust frásagnir sífellt við.

Frumkvæði af Frásagnasafninu kom frá listrænum stjórnandi Skaftfells 2011-2012, svissneska listamanninum Cristoph Büchel. Verkefnið er unnið í samvinnu við Þjóðfræðistofu en söfnunin fer fram samtímis á Ströndum og á Seyðisfirði. Áætlað er að í lok árs 2012 verði söfnunin yfirstaðin.