Home » 2014
SOÐ

SOÐ

Andrea Aðalsteinsdóttir, Andri Björgvinsson, Anton Logi Ólafsson, Arnar B. Sigurbjörnsson, Bergrún Anna Hallsteinsdóttir, Cillian O’Neill, Lizzie Prentis, Sara Björg Bjarnadóttir, Sólveig Eir Stewart, Una Sigtryggsdóttir og Ylva Frick
1. nóv - 1. des, 2014

Nemar á lokaári úr myndlistardeild Listaháskóla Íslands opna samsýninguna SOÐ næstkomandi laugardag í Skaftfelli á Seyðisfirði. Sýningin er afrakstur tveggja vikna námskeiðs í samstarfi við Dieter Roth Akademíuna, Skaftfell – myndlistarmiðstöð Austurlands og Tækniminjasafn Austurlands.

Andi bæjarins fléttast inn í listræna vinnu nemenda sem eru bæði af innlendu og erlendu bergi brotnir. Þeir hafa unnið með staðhætti, brugðist við umhverfinu og sköpunarkraftinum sem Seyðisfjörður býr yfir. Forvitni þeirra hefur drifið þau áfram við listrænar rannsóknir og leitt til spurninga um alheiminn, tímann, tækni, manneskjuna og lífið. Verkin eru af ýmsum toga; skúlptúrar, hljóðverk, innsetningar og uppákomur.

Nemendur hafa lagt leið sína út á opinn sjó og fiskað í soðið sem verður í boði á opnuninni laugardaginn 1. nóvember kl. 16:00 í sýningarsal Skaftfells.

Sýningarstjórn: Björn Roth og Kristján Steingrímur

SOÐ stendur til 1. desember og er opið alla daga.