Stafrænt handverk

Stafrænt handverk

Stafrænt handverk er hannað fyrir 5.-7. bekk og leggur áherslu á sköpun, endurvakningu gamals handverks, vísindalega nálgun og sjálfbærni.  Nemendur læra að búa til eigin litarefni og málningu úr hráefnum sem finna má í nærumhverfi. Að því loknu er notast við snjalltækni til að yfirfæra litinn á stafrænt form. Samhliða vinnuferlinu setja nemendur sig í spor rannsakenda og skrásetja hvert stig ferlisisins. Heimildunum er svo miðlað í gegnum samfélagsmiðil og þannig geta nemendur í mismunandi bæjarfélögum verið í gagnvirkum samskiptum hver við annan.

Stafrænt handverk er öllum aðgengilegt á veraldarvefnum og er þátttaka gjaldfrjáls. Verkefnið er unnið í samstarfi við Seyðisfjarðarskóla og RoShambo og styrkt af Sprotasjóði og Menningarráði Austurlands.

Heimasíða verkefnisins: stafraenthandverk.tumblr.com