Sýningin er á vegum nemenda Listaháskóla Íslands í samstarfi við Dieter Roth akademíuna, Skaftfell og Tækniminjasafnið á Seyðisfirði og hefur verið árlegur viðburður frá árinu 2000. Sýningin í ár ber heitið Hardware/Software og eru þátttakendur 8 talsins, þar af eru 2 erlendir listnemar. Verkin á sýningunni eru öll unnin á staðnum, oft í nánu samstarfi við bæjarbúa og hin ýmsu fyrirtæki svæðisins, sem skapar mikla fjölbreytni, en verkin spanna allt frá stafrænni ljósmyndun yfir í stífluframkvæmdir. Björn Roth fer með sýningarstjórn en skipulagsmál og kynningarstarfsemi er í höndum nemenda.
Sýnendur eru: Ástríður Magnúsdóttir, Dmitri Gerasimov, Eva Dagbjört Óladóttir, Logi Bjarnason, Joao Leonardo, Páll Haukur. Björnsson, Una Björk Sigurðardóttir og Unndór Egill Jónsson.
Sýningarstjórn: Björn Roth
