Í bistrói Skaftfells er boðið uppá ilmandi kaffi, tertur og sætindi, seðjandi mat, pizzur, öl, vín og aðrar veigar.
Skaftfell er aðsetur Dieter Roth Akademíunnar á Íslandi og er veitingastofan innréttuð í anda meistara Dieter Roth. Þar er hægt að skoða bókverk hans og annara listamanna auk annarra bóka um myndlist. Hægt er að vafra um netið í bistróinu og þráðlaust net er í loftinu.
Bistró Skaftfells hýsir Vesturvegginn - sýningarrými tileinkað ungum listamönnum og leyndum hæfileikum af heimasvæðinu. Að auki fara fram fjölbreyttir viðburðir í Bistróinu, s.s. tónleikar, gerningar, listamannaspjall, þemakvöld o.fl. Listamenn sem áhuga hafa á að troða upp í Bistróinu eru vinsamlegast beðnir um að hafa samband við forstöðumann Skaftfells í tölvupósti á skaftfell@skaftfell.is
Vetraropnun: október → apríl
Opið föstudaga til sunnudaga frá kl. 12:00 til 22:00. Lengur á laugardögum.
Matseðill í gangi fram að lokun.
Sumaropnun: maí → september
Opið alla daga frá kl. 12:00 til kl. 23:00 og lengur um helgar.
Matseðill í gagni fram að lokun.
Opið á fimmtudögum/ferjudögum frá kl. 10:00 með morgunverðarseðli.
Síminn er 472 1633
