Skaftfell er eitt af þremur verkefnum sem er tilnefnt til Eyrarrósarinn árið 2013.
Í umsögn dómnefndar segir:
„Skaftfell – miðstöð myndlistar á Austurlandi er í sögufrægu húsi í gamla bænum á Seyðisfirði. Kraftmikil og metnaðarfull starfsemi með skýra listræna sýn einkennir Skaftfell og með nánu samstarfi við bæjarbúa hefur orðið til á Seyðisfirði lifandi samfélag listamanna, heimamanna og gesta. Skaftfell er opið allan ársins hring og nánari upplýsingar um fjölbreytt starfið má finna á www.skaftfell.is.“
Eyrarrósin verður afhent 12. mars í Hofi á Akureyri. Hin verkefnin eru Act Alone og Eistnaflug.
