Skaftfell býður Töru og Sillu hjartanlega velkomnar í gestavinnustofu Skaftfells í janúar. Myndlistardúóið Tara og Silla er skipað af Töru Njálu Ingvarsdóttur (f. 1996) og Silfrúnu Unu Guðlaugsdóttur (f. 1996), og þær hafa unnið og pússað stígvélin sín saman sem Tara og Silla síðan þær hófu fyrst samstarf árið 2018 í myndlistarnámi við Listaháskóla Íslands. Þær luku báðar BA gráðu í myndlist vorið 2020. Tara og Silla búa og starfa í Reykjavík. Í verkum þeirra og starfi er leikgleði, samskipti og vinátta leiðarljós við gerð gjörninga, innsetninga og myndbandsverka.
Í Skaftfelli munu þeir vinna að nýjasta verkefninu sínu: Chasing Chance, þar sem þær láta tilviljanir leiða sig í gegnum dagana og starfið. Að nota tilviljun og aðgerðina að elta hana sem vinnuaðferð, er innblásið af því að vinna með hráleika og spuna í gjörningalist. Þær munu skrásetja og kanna þetta þema í gegnum kvikmyndun og prentun.
