Skaftfell, myndlistarmiðstöð Austurlands, auglýsir eftir einbeittum, sjálfstæðum og drífandi forstöðumanni.

Starfsemi Skaftfells er tileinkuð miðlun, viðgangi og framþróun myndlistar á Austurlandi og er þeim markmiðum framfylgt með faglegri sýningardagskrá, rekstri gestavinnustofa og fræðslu fyrir börn og fullorðna í landsfjórðungnum. Við miðstöðina starfa þrír starfsmenn allt árið, auk sumarstarfsmanns.

Forstöðumaður ber ábyrgð á daglegum rekstri miðstöðvarinnar.

Helstu verkefni eru;

• Umsýsla með fjármálum, samningagerð og almenn stjórnunarstörf.
• Listræn stefnumótun, áætlanagerð og gerð styrkumsókna.
• Skipulagning og umsjón með sýningadagskrá og viðburðum, fræðsluverkefnum og starfsemi gestavinnustofa.
• Þátttaka í alþjóðlegum samstarfsverkefnum.
• Samstarf við aðrar menningarmiðstöðvar, skólastofnanir og aðra sem vinna að málefnum lista og menningar á landsvísu
• Umsjón með kynningarmálum fyrir miðstöðina og verkefni á hennar vegum.
• Rekstur og umsýsla með fasteign miðstöðvarinnar að Austurvegi 42.

Hæfniskröfur: krefst góðrar fagþekkingar á innlendum sem erlendum myndlistarheimi, reynsla á sviði menningarstjórnunar, þekking og reynsla af menningarmálum almennt mikilvæg, færni í mannlegum samskiptum auk góðra forystu- og skipulagshæfileika.

Starfið getur hentað jafnt konum sem körlum.

Launakjör eru samkvæmt kjarasamningum BHM.

Æskilegt er að forstöðumaður geti hafið störf 1. okt 2018.

Allar frekari upplýsingar veitir Tinna Guðmundsdóttir, núverandi forstöðumaður, í síma 472 1632 eða á netfanginu skaftfell@archive.skaftfell.is

Umsóknarfrestur er til og með 20. ágúst 2018.

Umsóknir berist á netfangið admin@archive.skaftfell.is