Harðspjalda, 56 bls, Íslenska, Skaftfell og Roth útgáfan. Fyrsta útgáfa 2009
15.000kr forsöluverð

Garðar Eymundsson lauk 15 mánaða vinnu við að teikna upp fjallahringinn sem umlykur Seyðisfjörð árið 2008-2009. Við vinnuna lá hann úti dögum saman til að fanga útlínur fjallanna og rissa svipbrigði þeirra á blað. Teikningarnar vann hann síðan áfram á vinnustofu sinni með blýantinn og augað að vopni. Garðar vann einnig útlínuteikningu af fjallahringnum með örnefnum allra fjalla og tinda, með dyggri aðstoð Vilhjálms Hjálmarssonar frá Brekku í Mjóafirði en Vilhjálmur útbjó einnig örnefnaskrá þar sem staðarháttum er lýst. Garðar Eymundsson á stóran þátt í tilurð Skaftfells og verður seint fullþakkað fyrir sinn hlut í stofnun miðstöðvarinnar. Hér er á ferð vandað bókverk þar sem teikningarnar fá að njóta sín. Bókin er gefin út í 100 eintök með nýju afmælisumslagi.

Endurútgáfa “Fjallahringur Seyðisfjarðar“ verður hluti af afmælissýningu Garðars Eymundssonar í Skaftfelli 25. apríl 2026 Til þess að tryggja þér eintak sendu okkur tölvupóst á skaftfell@skaftfell.is