Home » Þjónusta

Þjónusta

/www/wp content/uploads/2018/01/fraedsluverkefni skaftfell

Skaftfell sinnir fræðslustarfi fyrir börn, ungmenni og fullorðna bæði á Seyðisfirði og fjórðungsvísu.

Á tímabilinu 2001-2018 stóð Dieter Roth Akademían, ásamt Listaháskóla Íslands, fyrir árlegu námskeiði fyrir útskriftarnemendur myndlistardeildar sem bar heitið Vinnustofan Seyðisfjörður. Á þessum námskeiðum var allur bærinn opnaður fyrir nemendunum og unnu þeir náið með starfsmönnum ýmissa verkstæða og fyrirtækja í bænum að verkum sínum sem þau enduðu með að sýna í Skaftfelli. Samstarfsaðilar voru m.a. Tækniminjasafn Austurlands og Stálstjörnur.

Árið 2007 hafði Skaftfel frumkvæði að markvissu fræðslustarfi sérsniðnu að þörfum grunnskólanna á Austurlandi. Miðstöðin hefur boðið upp á listfræðsluverkefni sem fjallar um myndlist og sköpun með einum eða öðrum hætti til að auðga listgreinakennslu í fjórðungnum. Ennfremur hefur miðstöðin unnið náið með Seyðisfjarðarskóla í fjölda ára og sá m.a. um myndmenntakennslu fyrir elstu nemendur skólans á tímabilinu 2009-2017.

Nemendur úr framhaldsskólum á svæðinu koma einnig reglulega í sýningarheimsóknir auk þess sem listamenn á vegum miðstöðvarinnar heimsækja reglulega skólana og eru með kynningu á sinni listsköpun og vinnuaðferðum.

Önnur verkefni eru sjálfstæðar smiðjur og námskeið, Printing Matter, Wanderlust, og BRAS samstarf við List án landamæra, Dag myndlistar, List fyrir alla og BRAS

[box]Til að panta leiðsögn hafið samband við fræðslufulltrúa Skaftfells, [email protected] eða í síma 472 1642.[/box]