Öldugata, www.oldugata.wordpress.com, er nýstofnað frumkvöðlasetur og vinnustaður skapandi greina á Seyðisfirði. Setrið er samfélag frumkvöðla og listamanna þar sem einyrkjar og smærri fyrirtæki í skapandi geiranum geta leigt skrifborð og vinnustofur. Setrið var stofnað á haustdögum í samstarfi við Seyðisfjarðarkaupstað, Nýsköpunarmiðstöð Íslands og Skaftfell – myndlistarmiðstöð Austurlands. Sérstakur gestur verður Katrín Jónsdóttir, verkefnastjóri Nýsköpunarmiðstöðvar Íslands á Austurlandi. Katrín mun fræða gesti um þá þjónustu sem er í boði og kynna verkefnið Ræsing.