Húsin á Seyðisfirði
Reynir Jónsson
09.01.10 - 14.02.10
Vesturveggurinn
Reynir Jónsson (1938), eða Reynir rakari, eins og margir þekkja hann, er borinn og barnfæddur Akureyringur. Hann er mörgum kunnur eftir hart nær hálfrar aldar starf á hársnyrtistofu sinni auk margskonar félags og trúnaðarstarfa. Listin var þó alltaf nálæg því hann var lengi ötull hljóðfæraleikari og lék í fjölmörgum dans og djasshljómsveitum auk langrar þjónustu í Lúðrasveit Akureyrar.
Reynir hefur fengist við myndlist um fjölda ára. Hann er að mestu sjálfmenntaður í myndlist, en hefur sótt stutt námskeið, lesið sér til, æft sig og lært af reynslunni. Árið 2006 hélt hann stóra yfirlitssýningu á málverkum sýnum í Ketilhúsinu á Akureyri.
Hann segir sjálfur að hann klæji alltaf í fingurna eftir því að mála, þegar hann kemur til Seyðisfjarðar og sér öll gömlu húsin, sem bíði greinilega eftir því að verða fest á strigann!
Sýningin er opin föstudaga til sunnudaga frá 12:00 og fram eftir kvöldi.
