Óhætt er að segja að hið séríslenska hikorð „hérna“ hjálpi manni að finna aftur þráðinn þegar maður tapar honum stundarkorn í samtali og frásögn. Sænska listakonan Victoria Brännström opnar sýninguna Hérna í Bókabúðinni-verkefnarými. Victoria mun m.a. sýna afrakstur þögula göngutúrsins þar sem jurtum var safnað ásamt verkum úr ull og tré. Upplestur kl 16:15 Boðið verður upp á glænýtt heimatilbúið bláberja- og krækiberjasaft. Sýningin er hluti af Haustroða og verður einning opin: sun 18. okt kl. 12-14, mán 19. okt og þri 20. okt kl. 14-17. Victoria Brännström er gestalistamaður Skaftfells í boði Norrænu menningargáttarinnar.

Komið með í þögulan göngutúr! Laugardaginn 3. okt kl. 11:00 og15:00, hefst við Bókabúðina-verkefnarými. Í þögulum göngutúr söfnum við síðustu plöntum haustsins á Seyðisfirði til að búa til tilraunakennt jurtasafn. Með ákveðnu jurtalitunarferli varðveitum við visnandi jurtirnar. Herbarium verður til sýnis á Haustroða 17. október. Victoria Brännström er gestalistamaður Skaftfells í boði Norrænu menningargáttarinnar.